ധർമ്മടത്ത് ഫയർ എൻജിനും ആംബുലൻസും കൂട്ടിയിടിച്ച് ആംബുലൻസ് ഡ്രൈവർ മരിച്ചു; 3 പേർക്ക് ഗുരുതര പരിക്ക്

തലശ്ശേരി :  (www.thalasserynews.in)ധർമ്മടത്ത് ഫയർ എൻജിനും ആംബുലൻസും കൂട്ടിയിടിച്ച് ആംബുലൻസ് ഡ്രൈവർ മരിച്ചു; 3 പേർക്ക് ഗുരുതര പരിക്ക്

Also read: ഭക്ഷണം കഴിക്കാൻ ബുദ്ധിമുട്ടുണ്ടോ? വടകര പാർകോയിൽ ഡി​ഗ്ലൂട്ടോളജി വിഭാഗത്തിൽ മുഹമ്മദ് ബാസിമിന്റെ സേവനം

ധർമടം മൊയ്തുപാലത്തിന് സമീപം ഫയർ എൻജിനും ആംബുലൻസും കൂട്ടിയിടിച്ച് ആംബുലൻസ് ഡ്രൈവർ മരിച്ചു. ഏഴോം കൊട്ടില സ്വദേശി മിഥുൻ (30) ആണ് മരിച്ചത്.

ആംബുലൻസിലുണ്ടായിരുന്ന സുകേഷ്, പ്രവീൺ, സിന്ധു എന്നിവരെ പരിക്കുകളോടെ തലശ്ശേരി സഹകരണ ആസ്പത്രിയിൽ പ്രവേശിപ്പിച്ചു.

Also read: കേരളത്തിൻ്റെ മനസാക്ഷി നവീൻ ബാബുവിൻ്റെ കുടുംബത്തോടൊപ്പം ; മുഖ്യമന്ത്രിയും, സി പി എമ്മും കുടുംബത്തെ വഞ്ചിച്ചെന്നും ബി ജെ പി സംസ്ഥാന പ്രസിഡണ്ട് കെ.സുരേന്ദ്രൻ.

ഞായറാഴ്ച രാത്രി 11-ഓടെയാണ് സംഭവം. കുളം ബസാറിലേക്ക് തീയണക്കാൻ പോകുകയായിരുന്ന തലശ്ശേരി അഗ്നിരക്ഷാസേനയുടെ വാഹനവും പരിയാരത്തുനിന്ന് മൃതദേഹവുമായി വരികയായിരുന്ന ആംബുലൻസുമാണ് കൂട്ടിയിടിച്ചത്.

ചിറക്കുനിയിലെ എം. ഹരിദാസന്റെ മൃതദേഹവുമായി വരികയായിരുന്നു ആംബുലൻസ്.

Also read: വീട്ടില്‍ അതിക്രമിച്ചു കയറി മാതൃസഹോദരൻ്റെ കൈയ്യും, കാലും തല്ലിയൊടിച്ചു ; യുവാവ് അറസ്റ്റില്‍

ഹരിദാസന്റെ മക്കളാണ് പരിക്കേറ്റ സുകേഷും, സിന്ധുവും. മറ്റൊരു മകളുടെ ഭർത്താവാണ് പ്രവീൺ. അഗ്നിരക്ഷാസേനാംഗങ്ങൾക്ക് പരിക്കില്ല.

പരിയാരം കണ്ണൂർ ഗവ. മെഡിക്കൽ കോളേജ് ആശുപത്രിക്ക് സമീപത്തെ റെഡ് വിങ്സ് ആംബുലൻസിലെ ഡ്രൈവറാണ് മിഥുൻ. അശോകന്റെയും നാരായണിയുടെയും മകനാണ്. ഭാര്യ: രാഗി (കണ്ണോം, ചൂട്ടപ്പറമ്പ്). സഹോദരൻ: നിധിൻ.

Ambulance driver dies in Dharmadam fire engine-ambulance collision; 3 seriously injured